അമ്മ

വെണ്ണ ഞാൻ കണ്ടില്ല, കട്ടില്ലയെന്നോതി
കാർവർണ്ണനിന്നെന്റെ കനവിൽ വന്നു.
കള്ളച്ചിരിയുണ്ട്, ചേലയിൽ മണ്ണുണ്ട്,
കൂടെയൊരുപറ്റം തോഴരുണ്ട്.
കണ്ണൻ മുഖത്തേക്കു ഞാനൊന്നു നോക്കുമ്പോൾ
ചുണ്ടിൽ, ചിരിയേക്കാൾ വെണ്ണയുണ്ട്!
ഇല്ലില്ലയെൻ കണ്ണനൊന്നും കവർന്നില്ല,
എന്നോടു വന്നാരും ചൊല്ലിയില്ല.
ഉള്ളിൽ നിറഞ്ഞോരു ചിരിയൊന്നൊതുക്കി ഞാൻ
കണ്ണനെയെന്നോടു ചേർത്തുനിർത്തി.