മഞ്ഞപ്പൂവേ കുഞ്ഞിപ്പൂവേ

മഞ്ഞപ്പൂവേ കുഞ്ഞിപ്പൂവേ,
ചിരിച്ചുനിക്കണ മുക്കുറ്റിപ്പൂവേ,
ആന പോകുന്നതു കണ്ടോ നീ?
തുമ്പിക്കൈയിൽ മരവും പേറി,
നടന്നുപോണതു കണ്ടോ നീ?
ഉറുമ്പുപോണതു കണ്ടോ നീ?
പഞ്ചാരത്തരിയും ഏറ്റിക്കൊണ്ടു്,
ഓടിപ്പോണതുകണ്ടോ നീ?
പാടും കുയിലിനെ കണ്ടോ നീ?
പാട്ടും‌പാടി, കൂടും നോക്കി,
പറന്നുപോണതുകണ്ടോ നീ?
എന്റെ മിന്നുക്കുട്ടിയെ കണ്ടോ നീ?
ബാഗും തൂക്കി, കരഞ്ഞുംകൊണ്ടു,
സ്കൂളിൽ പോണതു കണ്ടോ നീ?
മഞ്ഞപ്പൂവേ കുഞ്ഞിപ്പൂവേ,
ചിരിച്ചുനിക്കണ മുക്കുറ്റീ,
വെയിലിലിരുന്നു വാടീടാതെ,
എന്റെ വീട്ടിൽ വന്നൂടേ?