ഉണ്ടായിരുന്നു

ഒരു ബസ്‌സ്റ്റോപ്പ് ഉണ്ടായിരുന്നു.
അവിടെ അവൾ എന്നും ബസ് കാത്തുനിൽക്കാറുണ്ടായിരുന്നു.
അവൻ എന്നും അവളെ കാണാറുണ്ടായിരുന്നു.
അവന് അവളോട് പേരു ചോദിക്കണമെന്നുണ്ടായിരുന്നു.
ദിവസങ്ങൾ കടന്നുപോകുന്നുണ്ടായിരുന്നു.
ഒരു ദിവസം പത്രത്തിൽ അവളുടെ ഫോട്ടോ ഉണ്ടായിരുന്നു.
അതിനു ചുവട്ടിൽ അവളുടെ പേരുണ്ടായിരുന്നു.
അതിന്റെ തലേന്നാൾ അവനു ജോലിക്കു പോകാൻ മടിയുണ്ടായിരുന്നു.
ആ ദിവസം, ആ ബസ്‌സ്റ്റോപ്പിൽ ഒരു ബോംബ് പൊട്ടിയിട്ടുണ്ടായിരുന്നു.