ചിറകില്ലാത്തതാണ് നല്ലത്

കടലിനു ചിറക് ഉണ്ടാവുമായിരിക്കും.
തിര കണ്ടാൽ തോന്നുന്നുണ്ട്.
വൃക്ഷങ്ങൾക്ക് ചിറക് ഉണ്ടാവുമായിരിക്കും.
ആടിയാടി രസിക്കുന്നത് കാണാറുണ്ട്.
മഴയ്ക്കും ചിറക് ഉണ്ടാവുമായിരിക്കും.
അടുത്തെത്തി, തൊട്ടു, തൊട്ടില്ല എന്ന മട്ടിൽ പോകാറുണ്ട്.
മേഘങ്ങൾക്കും ചിറക് ഉണ്ടാവുമായിരിക്കും.
ഒഴുകിയൊഴുകിപ്പോകുന്നത് കാണാറുണ്ട്.
സ്വപ്നങ്ങൾക്കും ചിറക് ഉണ്ടാവുമായിരിക്കും.
സഫലമാക്കാൻ നോക്കുമ്പോഴേക്കും ഒഴിഞ്ഞുമാറിപ്പോകുന്നുണ്ട്.
ചിന്തകൾക്കും ചിറക് ഉണ്ടാവുമായിരിക്കും.
മാറിമാറിപ്പോകുന്നത് അറിയാറുണ്ട്.
ചിറകില്ലാത്തതാണ്, പക്ഷേ നല്ലത്.
അരിഞ്ഞുപോവുമെന്ന പേടി വേണ്ടല്ലോ.