Suryagayatri സൂര്യഗായത്രി

This blog is in Malayalam language. To view, please install any Malayalam Unicode font. Eg. AnjaliOldLipi. ബ്ലോഗ് തുടങ്ങാൻ ഇതു നോക്കൂ

Monday, June 25, 2018

മഴ

എന്തൊക്കെയുണ്ട് വിശേഷങ്ങൾ? എല്ലാവർക്കും സുഖം തന്നെയല്ലേ? ഇവിടെ മഴയാണ്. പിന്നെ ഫുട്ബോൾ ലോക കപ്പും. ;)
നിപ വൈറസ്സിനെ തുരത്തിയോടിക്കാൻ ഒരുമിച്ചു പ്രവർത്തിച്ച എല്ലാവർക്കും എന്റെ സ്നേഹം. ആദരവും.
പിന്നെ....ഒന്നുമില്ല.

Labels:

Wednesday, May 30, 2018

ചൂടുകാലം

അഞ്ച് എന്നൊരു തലക്കെട്ട് ആയിരുന്നു വേണ്ടത് അല്ലേ? പക്ഷേ ഇപ്പോ സന്ദർഭത്തിനു പറ്റിയ തലക്കെട്ട് ഇട്ടതാണ്. എനിക്കു സുഖം തന്നെ എന്നു പ്രത്യേകം പറയേണ്ടല്ലോ.  പരമസുഖം. അതോണ്ട് എല്ലാവർക്കും അങ്ങനെയെന്നു കരുതുകേം ചെയ്യുന്നു. മഴ വന്നോ? എന്തു പറയുന്നു? കണ്ടാൽ എന്റെ അന്വേഷണം പറയണം. സിനിമ കണ്ടു. പുസ്തകം വായിച്ചു. യാത്രേം പോയി. എല്ലാം കൂടെ ഒത്തുവരുന്നത് കുറഞ്ഞിരുന്നു. അപ്പോ ശരി. എല്ലാവരും സുഖമായിരിക്കൂ. എല്ലാവർക്കും സ്നേഹം.

Labels:

Wednesday, April 25, 2018

നാല്

വിഷു കഴിഞ്ഞു. മോശമല്ലാത്ത വിഷുക്കാലം ആയിരുന്നു. യാത്രയും ആയിരുന്നു. ചക്ക, മാങ്ങ, എന്നിവയുടെയൊക്കെ കാലമാണ്. കടുത്ത ചൂടുകാലവും. അങ്ങനെയൊക്കെ കഴിഞ്ഞുകൂടുന്നു.

നിറമുള്ള ചിത്രങ്ങൾ, നിറം ചാലിച്ച് പൊലിപ്പിച്ച് എഴുതിയ എഴുത്തുകൾ, ഒരുപാട് വായനക്കാർ,  ഇതൊക്കെയുള്ള ഇക്കാലത്തെ പലയിടങ്ങളിൽ നിന്നും ഈ ബ്ലോഗിലെത്തുമ്പോൾ ഒരു നിറം മങ്ങൽ തോന്നുന്നുണ്ടല്ലേ?

Labels:

Sunday, March 18, 2018

മൂന്ന്

കൂട്ടുകാർക്ക്,
പ്രിയപ്പെട്ട കൂട്ടുകാർക്ക് എന്ന് സംബോധന ചെയ്തില്ലെങ്കിൽ ആരും പരിഭവിക്കില്ലല്ലോ അല്ലേ? എന്റെ കൂട്ടുകാരൊക്കെ എനിക്കു പ്രിയപ്പെട്ടവരാണ്. മാർച്ച് മാസം ആയി. ചൂടു തുടങ്ങി, മഴ തുടങ്ങി. ഇതൊക്കെത്തന്നെ. പലരും ഒഴിവുകാലയാത്രകൾ പ്ലാൻ ചെയ്തും തുടങ്ങി. അല്ലേ? വായന അത്ര ഉഷാറായിട്ടില്ല.  അതുകൊണ്ട് അതിനെക്കുറിച്ചൊന്നും എഴുതാനില്ല. വല്യ യാത്രകളൊന്നും ചെയ്തില്ല. അതുകൊണ്ട് അതിനെക്കുറിച്ചും പറയാനില്ല. പിന്നെ സിനിമ. അതുണ്ട്. പക്ഷെ, പിന്നെയെപ്പഴെങ്കിലും എഴുതാം. 

നമ്മളെ അറിയുന്നവരോട്, മനസ്സിലാക്കുന്നവരോട് ഒന്നും പറയേണ്ട കാര്യമില്ലെന്നും, നമ്മളെ അറിയാത്തവരോട്, തെറ്റിദ്ധരിച്ചുകൊണ്ടിരിക്കുന്നവരോട് ഒന്നും പറഞ്ഞിട്ടു കാര്യമില്ലെന്നും ആരായിരിക്കും ആദ്യം പറഞ്ഞിട്ടുണ്ടാവുക?

എന്തായാലും എല്ലാവർക്കും ദൈവം നല്ലതുമാത്രം വരുത്തട്ടെ എന്നു പ്രാർത്ഥിക്കുന്നു. :)

Labels:

Sunday, February 25, 2018

രണ്ട്

24 മണിക്കൂറും നിങ്ങളോടൊക്കെ എന്തെങ്കിലും മിണ്ടീം കൊണ്ട് ഇരിക്കണം എന്നു ഞാൻ വിചാരിക്കും. പക്ഷേ, നിങ്ങളൊക്കെ വളരെ തെരക്കുള്ള മനുഷമ്മാരായിപ്പോയില്ലേ? “നിനക്കൊന്നും വേറെപ്പണിയില്ലല്ലോ” എന്ന് ഞാനങ്ങനെ മിണ്ടീം പറഞ്ഞും ഇരിക്കാം എന്നു പറയുമ്പോ നിങ്ങളു നേരിട്ടു പറഞ്ഞിലെങ്കിലും മനസ്സിലെങ്കിലും പറയും. പക്ഷേ നിങ്ങളുടെയത്ര തെരക്കില്ലെങ്കിലും എനിക്കും തെരക്കുണ്ട്. ഹും. ഓരോ വർഷം വരുമ്പോഴും ജനുവരീൽ പലതും തീരുമാനിക്കും. ഫെബ്രുവരീൽ അത് ഓർമ്മിക്കും. മാർച്ചൊക്കെയാവുമ്പോഴേക്ക്, പിന്നേ....തീരുമാനം! ഒലയ്ക്ക്യാണു എന്നും പറയും. ഇതൊക്കെ പലരുടേം ജീവിതത്തിൽ നടക്കുന്നതാണ്. ചിലർക്ക്, പിന്നെ ജനുവരി, ഫെബ്രുവരി, പുതിയ വർഷം എന്നൊന്നുമില്ല. അവരിങ്ങനെ ചീഞ്ഞും ചതഞ്ഞും കെടക്കാണ്ട് ജീവിതം വളരെ സംഭവബഹുലമാക്കും. മറ്റുള്ളോരെ സഹായിക്കും, ആർക്കെങ്കിലും ഉപകാരമാവുന്നത് ചെയ്തോണ്ടിരിക്കും, അതിന്റെ കൂടെ സ്വന്തം കാര്യങ്ങളും നടത്തും. ഞാനൊന്നും അങ്ങനെ വിചാരിച്ചിട്ടു കാര്യമില്ല. സ്വന്തം കാര്യം തന്നെ മര്യാദയ്ക്കു നടത്തിക്കൊണ്ടുപോവാൻ പറ്റണേന്നേയുള്ളൂ പ്രാർത്ഥന. നിസ്സാരജന്മം! പിന്നെ ആർക്കും ഉപകാരം ചെയ്തില്ലേലും ഒരു ഉപദ്രവോം ചെയ്യുന്നില്ലല്ലോന്നു വിചാരിക്കാം, “അപ്പോ ഈ ബ്ലോഗെഴുത്തോ?” എന്നു നിങ്ങൾ ചോദിക്കുന്നതിനുമുമ്പ് സ്ഥലം വിട്ടേക്കാം.നന്ദി! നമസ്കാരം!

Labels: