മൌനം ഓടി

മൌനം വന്ന് കുത്തിയിരിപ്പായി.
ഇതിനെയെങ്ങനെയോടിക്കുമെന്ന് ആലോചിച്ച് ഞാനും.
മഴയോടിത്തിരി സംഗീതം ചോദിച്ചപ്പോള്‍,
ചറുപിറാ ചറുപിറാന്ന് ഓടിപ്പോയി.
ഇടിയോടിത്തിരി ആക്രോശം ചോദിച്ചപ്പോള്‍‌,
ചടപടാ ചടപടാന്ന് പേടിപ്പിച്ചു.
മൌനത്തെ വെട്ടിമുറിച്ച്,
കൊത്തിനുറുക്കി,
കെട്ടിത്തൂക്കി,
വേണ്ടവരു വെറുതേയെടുത്തോന്ന്
പറയാമെന്നോര്‍ത്തപ്പോ,
സന്തോഷം വന്ന് ചിരി പൊട്ടിച്ച്,
മൌനത്തെ പേടിപ്പിച്ച് ഓടിച്ചു.