ബ്ലോഗ് പ്രാർത്ഥന

ദൈവമേ കൈതൊഴാം നീയിതു കേൾക്കണം
എന്റെ ബ്ലോഗെല്ലാരും കാണുമാറാകണം.
പോസ്റ്റിൽ കമന്റുകൾ ഇട്ടിട്ടുപോകണം,
തെറ്റുകൾ കണ്ടാൽ തിരുത്തീട്ടുപോകണം.
നിത്യവും പോസ്റ്റിടാൻ വിഷയമുണ്ടാവണം,
അഗ്രഗേറ്ററിൽ ലിങ്ക് പോയീടേണം.
ആശയദാരിദ്ര്യം ഇല്ലാതെയാക്കുവാൻ,
ഭാവനയെന്നുമേ കൂടെ നിന്നീടണം.
ഭവ്യതയോടെ ബ്ലോഗിംഗ് തുടരുവാൻ,
നിത്യവുമെന്നെയനുഗ്രഹിച്ചീടേണം.


(കുറച്ച് സമയം വെറുതേ കിട്ടിയപ്പോൾ പ്രാർത്ഥിച്ചേക്കാംന്ന് കരുതി. എന്നാപ്പിന്നെ ബ്ലോഗ് പ്രാർത്ഥന തന്നെയായിക്കോട്ടേന്ന് വിചാരിച്ചു.)