Suryagayatri സൂര്യഗായത്രി

This blog is in Malayalam language. To view, please install any Malayalam Unicode font. Eg. AnjaliOldLipi. ബ്ലോഗ് തുടങ്ങാൻ ഇതു നോക്കൂ

Monday, March 01, 2010

അപൂർണ്ണം

ഒരുപാടുനാളായ് മനസ്സേ നീയൊരു
കാവ്യത്തെ തടവിലടച്ചിരിപ്പൂ.
പൂർണ്ണമായില്ല, പോരട്ടെ വാക്കുകൾ,
എന്നു നീയെന്നുമേ കല്പിക്കുന്നു.
അക്ഷരക്കടലിന്റെയാഴത്തിൽപ്പോയിട്ടു,
മുത്തുകൾ മുങ്ങിയെടുത്തു വന്നീടുമ്പോൾ,
ഇനിയും തികഞ്ഞില്ല വാക്കുകളെന്നു നീ,
ഒന്നുമേയോർക്കാതെ ചൊല്ലീടുന്നൂ.
വാക്കുകൾ നദിപോലെയൊഴുകട്ടെയെന്നു,
നീ വാതിലടച്ചുകൊണ്ടോതീടുന്നൂ.
പൂർണ്ണമായുള്ളൊരു കവിതയൊരുങ്ങുവാൻ
ഇനിയെത്ര വാക്കുകൾ ഒരുക്കീടേണം!

Labels:

7 Comments:

Blogger റ്റോംസ് കോനുമഠം said...

പൂർണ്ണമായുള്ളൊരു കവിതയൊരുങ്ങുവാൻ
ഇനിയെത്ര വാക്കുകൾ ഒരുക്കീടേണം!

Mon Mar 01, 09:39:00 PM IST  
Blogger ശ്രീ said...

ചിലപ്പോള്‍ വളരെ കുറച്ചു മാത്രം വാക്കുകള്‍ മതി... വേറെ ചിലപ്പോള്‍ എത്രമാത്രം വാക്കുകള്‍ കിട്ടിയാലും തികയുകയുമില്ല

Tue Mar 02, 06:02:00 AM IST  
Blogger ആത്മ said...

കവിതാലോകത്ത് സ്ഥിരതാമസമാക്കിയോ?!
കുട്ടികളുടെ കവിതകളിൻ നിന്നും തുടങ്ങി അങ്ങിനെ
ഉയരത്തിലുയരത്തിലേക്ക്...
“ഭാവുകങ്ങൾ!”

Tue Mar 02, 09:22:00 AM IST  
Blogger സു | Su said...

റ്റോംസ് :)

ശ്രീ :) അങ്ങനെയാണ്.

ആത്മേച്ചീ :) കവിതാലോകം, കഥാലോകം എന്നൊന്നും വിചാരിച്ചില്ല. അറിയുന്നപോലെ എഴുതുന്നു. ഉയരത്തിലുയരത്തിലേക്ക് പോകണമെന്നില്ല.എവിടെയാണോ അവിടെ സന്തോഷമായി, സമാധാനമായി കഴിയണംന്നേയുള്ളൂ.

Tue Mar 02, 07:56:00 PM IST  
Blogger Sukanya said...

ഇഷ്ടമായി. നല്ല വരികള്‍.

Wed Mar 03, 01:00:00 PM IST  
Blogger സു | Su said...

സുകന്യ :) വായിക്കുന്നതിൽ സന്തോഷം.

Thu Mar 04, 08:24:00 PM IST  
Blogger mazhamekhangal said...

a few words will do!!!

Thu Mar 04, 09:35:00 PM IST  

Post a Comment

Subscribe to Post Comments [Atom]

<< Home