വെറുതെ തോന്നിയപ്പോള്‍.

വെറുതെയിരുന്നപ്പോ തോന്നി അക്ഷരം പഠിക്കണം എന്ന്. പഠിച്ചു.

അക്ഷരം പഠിച്ചപ്പോ തോന്നി എഴുതണം എന്ന്. എഴുതി.

എഴുതിയപ്പോ തോന്നി എല്ലാവരും വായിക്കണം എന്ന്. എല്ലാരും വായിച്ചു.

എല്ലാരും വായിച്ചപ്പോ തോന്നി ഇനി ഒരു അവാര്‍ഡ്‌ കിട്ടിയാല്‍ക്കൊള്ളാമെന്ന്. അവാര്‍ഡ്‌ കിട്ടി.

അവാര്‍ഡ്‌ കിട്ടിയപ്പോ തോന്നി അതു നിരസിക്കണം എന്ന്. നിരസിച്ചു.

നിരസിച്ചപ്പോ എല്ലാരും ഒരോരോ അഭിപ്രായം പറഞ്ഞു.

അതൊക്കെ കേട്ടപ്പോ തോന്നി വെറുതെ ഇരിക്കേണ്ടായിരുന്നു,

വെറുതേ ഇരുന്നാലും അക്ഷരം പഠിക്കേണ്ടായിരുന്നു;

പഠിച്ചാലും എഴുതേണ്ടായിരുന്നു;

എഴുതിയാലും എല്ലാരും വായിക്കേണ്ടായിരുന്നു;

വായിച്ചാലും അവാര്‍ഡ്‌ കിട്ടേണ്ടായിരുന്നു;

കിട്ടിയാലും അതു നിരസിക്കേണ്ടായിരുന്നൂന്നു.