Suryagayatri സൂര്യഗായത്രി

This blog is in Malayalam language. To view, please install any Malayalam Unicode font. Eg. AnjaliOldLipi. ബ്ലോഗ് തുടങ്ങാൻ ഇതു നോക്കൂ

Thursday, February 17, 2005

ധീം തരികിട തോം!!!!!!

ആരും അമ്പരക്കേണ്ട. ഈ വയസ്സാംകാലത്തു കുഴിയിലേക്കു കാലും നീട്ടിയിരിക്കേണ്ട സമയത്തു ഇവളു വല്ല നൃത്തപഠനത്തിനും ചേര്‍ന്നോ എന്നോര്‍ത്തു ആരും വിഷമിക്കേണ്ട. ഇതു ഡാന്‍സ്‌ ഒന്നും അല്ല. വേറെ ഒരു കഥയാണ്. ചേട്ടനും ഞാനും പിന്നെ ഞങ്ങളുടെ സ്കൂട്ടറും അടങ്ങിയ ഒരു കൊച്ചു കഥ. ഞങ്ങളുടെ സ്കൂട്ടര്‍ എന്നു വെച്ചാല്‍ വാഹനക്കമ്പനിക്കാര്‍ ലോകത്തു ആദ്യമായിട്ടു ഇറക്കിയ വാഹനം അതാണോ എന്നു ആര്‍ക്കും അതു കണ്ടാല്‍ തോന്നിയേക്കാം. തെറ്റൊന്നുമില്ല.

അങ്ങിനെ ഒരു ദിവസം ഞങ്ങള്‍ അതില്‍ പുറപ്പെട്ടു. കുറച്ചുകാലം ആയിട്ടു എന്നു ആ വണ്ടിയില്‍ കയറിയാലും എനിക്കു ഒരു പാട്ടേ വരു. നമ്മുടെ ഷാരൂഖ്ഖാന്റെ "സിന്ദഗീ ബദല്‍ രഹീ ഹെ രൂപ്‌ ഹര്‍ ഘടി................ജൊ ഹെ സമാ കല്‍ ഹോ ന ഹോ". എന്നുവെച്ചാല്‍ അതു തന്നെ. നാളെയുണ്ടോ എന്നു ആര്‍ക്കറിയാം? സ്കൂട്ടറില്‍ കയറിയ ഉടനെത്തന്നെ ഞാന്‍ ആ പാട്ടു മൂളിത്തുടങ്ങും.
പുറപ്പെട്ടു വഴിയില്‍ കാണുന്ന പരിചയക്കാരോടൊക്കെ ഇളിച്ചു കാണിച്ചു യാത്ര തുടര്‍ന്നു. ഇളിച്ചു കാണിക്കാനേ പറ്റൂ. കാരണം നിര്‍ത്തിയിട്ടു മിണ്ടാന്‍ നിന്നാല്‍ പിന്നെ സ്റ്റാര്‍ട്ട്‌ ആയില്ലെങ്കിലോ? എത്തിയെത്തി അങ്ങിനെ റോഡ്‌ ക്രോസ്സ്‌ ചെയ്യേണ്ട സ്ഥലത്തു എത്തി. ചേട്ടന്‍ ചെലപ്പോ ഹോളിവുഡ്‌ സ്റ്റയിലില്‍ റോഡ്‌ ക്രോസ്സ്‌ ചെയ്തു കളയും. അന്നും അങ്ങിനെ എന്തോ ഭാവിച്ചു ക്രോസ്സ്‌ ചെയ്യാന്‍ തുടങ്ങിയതും പിന്നില്‍ നിന്നു ഒരു കാര്‍ ചീറിപ്പാഞ്ഞു വന്നതും ഒരുമിച്ചായിരുന്നു. ഞാന്‍ ഭൂമിയിലും ആകാശത്തും പാതാളത്തിലും ഉള്ള സകല ദൈവങ്ങളേയും വിളിച്ചുകൊണ്ടു ഒറ്റച്ചാട്ടം. എന്റെ ശത്രുക്കളുടെ കാലദോഷത്തിനു ഞാന്‍ രണ്ടു കാലില്‍ തന്നെ റോഡിനു പുറത്തെ മണ്ണില്‍ ലാന്‍ഡ്‌ ചെയ്തു. നോക്കുമ്പോഴുണ്ടു ധീം തരികിട തോം എന്ന മട്ടില്‍ ചേട്ടനും ചേട്ടന്റെ മുകളില്‍ സ്കൂട്ടറും കിടക്കുന്നു. ഞാന്‍ സ്കൂട്ടര്‍ പണിപ്പെട്ടു ഉയര്‍ത്താന്‍ ശ്രമിക്കുമ്പോഴേക്കും കുറച്ചു ആള്‍ക്കാര്‍ വന്നു ഞങ്ങളെ സഹായിച്ചു. ഒന്നും പറ്റിയില്ലല്ലോ എന്നു സമാധാനിപ്പിച്ചു.
കുറച്ചു നേരം കഴിഞ്ഞു ചേട്ടന്‍ സ്കൂട്ടര്‍ സ്റ്റാര്‍ട്ടു ചെയ്തു. വീഴ്ച്ചക്കു ശേഷം ആദ്യത്തെ ഡയലോഗ്‌ വന്നു ‘ ഭാഗ്യം ഇതിനൊന്നും പറ്റിയില്ലല്ലോ" എന്നു!!!!!! വാതിലിനിടയില്‍പ്പെട്ടു ചീഞ്ഞ പല്ലിയെപ്പോലിരിക്കേണ്ട ഞാന്‍ പയറുമണി പോലെ നില്‍ക്കുന്നതു കണ്ടിട്ടല്ല ചേട്ടനു സന്തോഷം വന്നതു!!!!!! പീസു പീസാക്കിയിട്ടു ഫ്രീ ആയിട്ടു കൊടുത്താല്‍ പോലും ആരും വാങ്ങാത്ത ആ സ്കൂട്ടറിനു ഒരു കുഴപ്പവും പറ്റിയില്ലല്ലോ എന്നോര്‍ത്താണു!!!! കാലം പോയ ഒരു പോക്കേ. ഇതിനൊക്കെ സമാധാനം ഞാന്‍ വീട്ടില്‍ എത്തിയിട്ടു പറഞ്ഞോളാം എന്ന മട്ടില്‍ ഞാന്‍ നിന്നു. വീട്ടിലേക്കു തന്നെ തിരിച്ചു പുറപ്പെട്ടു. ഇത്തവണയും ഞാന്‍ പാടാന്‍ മറന്നില്ല. പക്ഷേ പാട്ടു മാറിയെന്നു മാത്രം. "സമയമാം രഥത്തില്‍ ഞാന്‍ സ്വര്‍ഗ്ഗയാത്ര ചെയ്യുന്നു.........".

Labels:

12 Comments:

Blogger Unknown said...

I always wanted to write something admiring a post/writing i like. But when it comes to actually writing it, i will not have words. Eventhough, let me say, your posts are simple, nice and beautiful in language and content.

Fri Feb 18, 11:15:00 am IST  
Blogger സു | Su said...

THANKS :):):)
SIMPLE .

THANKS :) :) :)
THE INSPIRING.

Fri Feb 18, 10:27:00 pm IST  
Blogger Kala said...

thank god....
Su, your blog is a nice read. Paul told me about this blog last week, and today only i got a chance to read it. Keep writing. You may want to consider allowing anonymous comments...

Kala
CHINTHA.COM

Sat Feb 19, 09:39:00 am IST  
Blogger സു | Su said...

thank u kala for reading my blog :)

Sat Feb 19, 12:34:00 pm IST  
Blogger രാജ് said...

ഹാഹാ.. സോറി വായിക്കുവാന്‍ താമസിച്ചുപോയി. പക്ഷെ രസിച്ചു വായിച്ചുട്ടോ - നന്നായിരിക്കുന്നു.

Tue Feb 22, 04:07:00 am IST  
Blogger കെവിൻ & സിജി said...

വരാനുള്ളതു അല്ലേലും വഴിയില് തങ്ങില്ലല്ലൊ.

Tue Feb 22, 11:44:00 am IST  
Blogger സു | Su said...

surya, peringodan, kevin, ellarum vayichathil santhosham :)

Tue Feb 22, 03:44:00 pm IST  
Blogger സു | Su said...

SURYA, font install cheythu vayikkan pattiyille?

Tue Mar 01, 09:21:00 am IST  
Anonymous Anonymous said...

hi ! the posts look very interesting. i dont know which fonts to install. can somebody please let me know which font to install...

Wed Mar 16, 10:35:00 pm IST  
Anonymous Anonymous said...

perum koodeyillatha manushyanmaro? kaalane paranjuvidam angottu.
Su.

Thu Mar 17, 11:52:00 am IST  
Anonymous Anonymous said...

manorama font.
Su.

Thu Mar 17, 04:33:00 pm IST  
Blogger എന്റെ കാഴ്ചകള്‍ said...

HA HA HA HA HA HA AH AHA HHHA HAHAHAHA HA HA...... CHIRICHU CHIRU VAYYATHAY.... AYYOO ITHU KIDILANAYI KETTO... SCOOTER MANASSIL KANDAPPO ACHANTE SCOOTER ORMA VANNU.....

Fri Oct 31, 08:30:00 pm IST  

Post a Comment

Subscribe to Post Comments [Atom]

<< Home