വക്കുപൊട്ടിയ വാക്കുകൾ

എന്റെ തന്നെ ചില വാക്കുകളാണ് എന്റെ ശത്രുക്കളെന്ന്
എന്റെ (അടുത്ത?) സുഹൃത്ത്.
മിണ്ടാതിരുന്നേക്കാംന്ന് വിചാരിച്ചപ്പോ
വാക്കുകൾ വന്ന് പറഞ്ഞു,
പിന്നീട് സുഹൃത്തുക്കളായാലും
ശത്രുക്കളായാലും,
മനസ്സിൽ നിന്ന് വീഴുന്ന
തുടച്ചുമിനുക്കാത്ത വാക്കുകൾക്കും
അതിന്റേതായ ഭംഗിയുണ്ടെന്ന്.
വേദനിപ്പിച്ച് തേച്ചുമിനുക്കി
മറ്റൊന്നെന്ന് തോന്നുംവിധം
പ്രദർശിപ്പിക്കുന്നില്ലല്ലോന്ന്.