നാണവും ദേഷ്യവും

പെയ്തിട്ടും പെയ്തിട്ടും
തോരാത്ത മഴ പൊഴിക്കുന്ന,
ആകാശമേതെന്നു ചോദിച്ചപ്പോൾ
കണ്ണിനു നാണം വന്നു.

കറുത്ത് കറുത്ത് നിന്നിട്ട്
മഴ പെയ്തൊഴിഞ്ഞിട്ടും,
മഴവില്ലു തെളിയാത്ത
ആകാശമേതെന്നു ചോദിച്ചപ്പോൾ
മനസ്സിനു നാണം വന്നു.

കാത്തിരുന്നിട്ടും കാതോർത്തിട്ടും
മഴ പൊഴിക്കാത്ത
ആകാശമേതെന്നു ചോദിച്ചപ്പോൾ
മൗനം ജയിച്ചു ചിരിച്ചു.
വാചാലതയ്ക്ക് ദേഷ്യം വന്നു.