Suryagayatri സൂര്യഗായത്രി

This blog is in Malayalam language. To view, please install any Malayalam Unicode font. Eg. AnjaliOldLipi. ബ്ലോഗ് തുടങ്ങാൻ ഇതു നോക്കൂ

Wednesday, October 14, 2009

നാണവും ദേഷ്യവും

പെയ്തിട്ടും പെയ്തിട്ടും
തോരാത്ത മഴ പൊഴിക്കുന്ന,
ആകാശമേതെന്നു ചോദിച്ചപ്പോൾ
കണ്ണിനു നാണം വന്നു.

കറുത്ത് കറുത്ത് നിന്നിട്ട്
മഴ പെയ്തൊഴിഞ്ഞിട്ടും,
മഴവില്ലു തെളിയാത്ത
ആകാശമേതെന്നു ചോദിച്ചപ്പോൾ
മനസ്സിനു നാണം വന്നു.

കാത്തിരുന്നിട്ടും കാതോർത്തിട്ടും
മഴ പൊഴിക്കാത്ത
ആകാശമേതെന്നു ചോദിച്ചപ്പോൾ
മൗനം ജയിച്ചു ചിരിച്ചു.
വാചാലതയ്ക്ക് ദേഷ്യം വന്നു.

Labels:

8 Comments:

Blogger സതി മേനോന്‍ said...

നല്ല വരികള്‍, പ്രക്യതിയുടെ ചോദ്യോത്തരങ്ങള്‍

Wed Oct 14, 11:12:00 am IST  
Blogger ആത്മ/പിയ said...

എന്തേ മനസ്സിനൊരു നാണം..ഓ...
:)

Wed Oct 14, 08:29:00 pm IST  
Blogger താര said...

വായിച്ചിട്ടും വായിച്ചിട്ടും മനസ്സിലാവാതെ എനിക്കെന്നോട് ദേഷ്യം വന്നു!!:)

Thu Oct 15, 03:03:00 pm IST  
Blogger C. P. ആയക്കാട് said...

സു ചേച്ചി ..... അവസാനത്തെ വരികളില്‍ പറയുന്നത് എന്തിനെക്കുറിച്ചാണ്? ആദ്യ പത്തു വരികള്‍ മനസ്സിലായി... അടിപൊളി :)

Fri Oct 16, 12:36:00 pm IST  
Blogger സു | Su said...

സതി മേനോൻ :)

ആത്മേച്ചീ :)

താരേ :) ദേഷ്യം എന്നോടില്ലല്ലോ അല്ലേ?

സി. പി. ആയക്കാട് :) കാത്തിരിക്കുന്നതും കാതോർക്കുന്നതും വാക്കുകൾക്കുവേണ്ടി. അതു പൊഴിഞ്ഞുവീണില്ല.

Fri Oct 16, 03:49:00 pm IST  
Blogger C. P. ആയക്കാട് said...

അങ്ങനെ ആണെങ്കില്‍ മൗനം ജയിച്ചു ചിരിച്ചത് മനസ്സിലായി. പക്ഷെ വാചാലതക്കു ദേഷ്യം വന്നതോ? വാചാലത, കാത്തിരുന്ന ആളുടെ വകയായിരുന്നോ? മറുപടി ഒന്നും കിട്ടാത്തപ്പോള്‍ ദേഷ്യം വന്നു എന്നാണോ?

Sat Oct 17, 12:00:00 pm IST  
Blogger സു | Su said...

സി. പി. ആയക്കാട് :) മൊത്തത്തിലുള്ള മൗനവും, മൊത്തത്തിലുള്ള വാചാലതയും. വാചാലത തോൽക്കുന്നിടത്ത് മൗനം ജയിക്കും എന്തായാലും.

Sun Oct 18, 11:00:00 am IST  
Blogger ദിയ കണ്ണന്‍ said...

I liked it so much....like a logical poem.....very nice...

Fri Oct 23, 03:25:00 am IST  

Post a Comment

Subscribe to Post Comments [Atom]

<< Home