Suryagayatri സൂര്യഗായത്രി

This blog is in Malayalam language. To view, please install any Malayalam Unicode font. Eg. AnjaliOldLipi. ബ്ലോഗ് തുടങ്ങാൻ ഇതു നോക്കൂ

Friday, May 14, 2010

ചക്കരമാമ്പഴം

ചക്കരമാവിലെ മാമ്പഴം കണ്ടിട്ട്
കിങ്ങിണിപ്പൂച്ച പതുങ്ങിവന്നു.
മോളിലെ മാമ്പഴം നോക്കിക്കൊതിച്ചവൾ
മാവിന്റെ ചോട്ടിൽ തപസ്സിരുന്നു.

ചക്കരമാവിലെ മാമ്പഴം കണ്ടിട്ട്
പൂവാലിപ്പയ്യ് പതുങ്ങിവന്നു.
മാമ്പഴം വീഴുമ്പോൾ കിട്ടുമെന്നോർത്തവൾ
മാവിനുചുറ്റും നടന്നുനീങ്ങി.

ചക്കരമാവിലെ മാമ്പഴം കണ്ടിട്ട്
ചുന്ദരിക്കോഴി പതുങ്ങിവന്നു.
മാമ്പഴം കൊത്തിക്കൊതിയൊന്നുതീർക്കുവാൻ
ചിക്കിച്ചികഞ്ഞവൾ കാത്തുനിന്നു.

മൂവരും കാത്തങ്ങു നിൽക്കുന്ന നേരത്ത്
കാക്കക്കറുമ്പൻ പറന്നുവന്നു.
മാമ്പഴം സ്വാദോടെ തിന്നുന്ന നേരത്ത്
മൂവരേം മാവിൻ ചുവട്ടിൽ കണ്ടു.

മാമ്പഴം തങ്ങൾക്കും നൽകീടുകെന്നവർ,
മൂവരും, ഒറ്റസ്വരത്തിൽ ചൊല്ലി.
എന്തുതന്നീടും പകരമെനിക്കെന്ന്
ചോദ്യം ചോദിച്ചവൻ കാത്തുനിന്നു.

കിങ്ങിണിപ്പൂച്ച കഥ പറഞ്ഞു,
പൂവാലിപ്പയ്യൊരു പാട്ടുപാടി,
ചുന്ദരിക്കോഴിയോ സുന്ദരമാം,
നൃത്തച്ചുവടുകൾ കാഴ്ചവച്ചു.

സന്തോഷം തോന്നിയ കാക്കയപ്പോൾ
മാമ്പഴം മുഴുവനും താഴേയ്ക്കിട്ടു.
ചക്കരമാവിലെ സ്വാദുള്ള മാമ്പഴം
നാൽ‌വരും പങ്കിട്ടു തിന്നുതീർത്തു.

Labels: ,

10 Comments:

Blogger ശ്രീ said...

ഹായ്!

വീണ്ടും കുട്ടിപ്പാട്ടുകളിലേയ്ക്കു വന്നോ...

പാട്ട് ഇഷ്ടമായി :)

Fri May 14, 02:40:00 PM IST  
Blogger Anoni Malayali said...

ഹായ്‌!

Fri May 14, 06:54:00 PM IST  
Blogger Jayesh / ജ യേ ഷ് said...

എന്തൊരു ചന്തം..കുട്ടിത്തം തിരിച്ച് വന്നത് പോലെ...ഇഷ്ടായി...

Fri May 14, 10:08:00 PM IST  
Blogger സു | Su said...

ശ്രീ :) കുട്ടിപ്പാട്ടായ്ക്കോട്ടേന്ന് വെച്ചു.

അനോണി മലയാളി :)

ജയേഷ് :) സന്തോഷം.

Sat May 15, 10:47:00 AM IST  
Blogger junaith said...

കുട്ടിപ്പാട്ട് കലക്കി..

Sat May 15, 01:33:00 PM IST  
Blogger Diya said...

:)

Sat May 15, 03:47:00 PM IST  
Blogger Geetha said...

നന്നായിട്ടുണ്ട്...കുട്ടിപാട്ട് ഒത്തിരി ഇഷ്ടമായീ

Sun May 16, 01:33:00 AM IST  
Blogger സു | Su said...

junaith :)

ദിയ :)

ഗീത :)

എല്ലാവർക്കും നന്ദി.

Thu May 20, 09:08:00 AM IST  
Blogger Thulasi Kakkat said...

:)

Wed Jun 02, 09:37:00 AM IST  
Blogger സു | Su said...

തുളസീ :)

Mon Jun 07, 08:38:00 PM IST  

Post a Comment

Subscribe to Post Comments [Atom]

<< Home