Suryagayatri സൂര്യഗായത്രി

This blog is in Malayalam language. To view, please install any Malayalam Unicode font. Eg. AnjaliOldLipi. ബ്ലോഗ് തുടങ്ങാൻ ഇതു നോക്കൂ

Wednesday, July 13, 2011

നാടിതു കാണുവാൻ എന്തു ചന്തം

കഞ്ഞിക്കുപോലും വകയില്ലെങ്കിലും ചിലർ,
കള്ളുകടയിലായ് ക്യൂ നിൽക്കുന്നു.
മക്കൾക്കു തിന്നുവാനൊന്നും കൊടുക്കാതെ,
കള്ളു ദിനവും കുടിച്ചീടുന്നു.

പിഞ്ചുകുഞ്ഞുങ്ങളെന്നോർക്കാതെ ദുഷ്ടന്മാർ,
മുട്ടായി നൽകി മയക്കീടുന്നു.
അമ്മയ്ക്കും അച്ഛനും മുത്തായ മക്കളെ,
മോഹങ്ങൾ തീർത്തിട്ടു, കൊന്നീടുന്നു.

കഥചൊല്ലിയെന്നുമുറക്കേണ്ട പ്രായത്തിൽ,
കാശിനായ് നൽകുന്നു പെണ്മക്കളെ.
ഓരോ ദിവസവും ഓരോ കഥയുമായ്,
പീഡനവാഹനം ഓടീടുന്നു.

ഒന്നുമേ ചെയ്യാനില്ലാതെ ചിലരെന്നും,
റോഡിൽ വെറുതേ കറങ്ങീടുന്നു.
വഴിയേ നടക്കുന്ന പെണ്ണുങ്ങളോടവർ,
സദാചാരനിയമം പറഞ്ഞീടുന്നു.

ഏറുന്നു പൊന്നിന്റെ വിലയെന്നുമെങ്കിലും
സ്വർണ്ണക്കടകളിലെന്നും പൂരം.
സ്വത്തൊക്കെ വിറ്റും, കടങ്ങളെടുത്തും ചിലർ,
പൊന്നു വാങ്ങീടുവാൻ ഓടീടുന്നു.

ദൈവത്തിന്റെയീ സ്വന്തം നാട്ടിൽ
സന്തോഷത്തോടിനിയെന്നു ചൊല്ലും?
നമ്മുടെ കേരളം എത്ര ശാന്തം!
നാടിതു കാണുവാൻ എന്തു ചന്തം!

Labels:

6 Comments:

Blogger ഇന്‍ഡ്യാഹെറിറ്റേജ്‌:Indiaheritage said...

ആ തലക്കെട്ടൊന്നു മാറ്റൂൂ സൂൂ

നാടിതു കാണുവാനെന്തു കുന്തം എന്നാക്കൂൂ'

Thu Jul 14, 11:26:00 AM IST  
Blogger r s kurup said...

nannayittunt

Thu Jul 14, 11:17:00 PM IST  
Blogger മണ്‍സൂണ്‍ നിലാവ് said...

ഭേഷ്‌ !!!!!!!! താളമോകെ ഉണ്ട് ഇഷ്ടായി ...... കണ്ടതില്‍ സന്തോഷം സ്നേഹത്തോടെ മണ്‍സൂണ്‍

Fri Jul 15, 12:57:00 PM IST  
Blogger സു | Su said...

പണിക്കർ ജീ :) പാവം നമ്മുടെ നാട്!

ആർ. എസ് :) നന്ദി.

മൺസൂൺ നിലാവ് :) വന്നുവായിച്ചതിൽ സന്തോഷം.

Wed Jul 20, 09:57:00 AM IST  
Blogger ചേലക്കരക്കാരന്‍ said...

കൊളളാം കേട്ടോ

Sun Jul 24, 01:36:00 AM IST  
Blogger സു | Su said...

ചേലക്കരക്കാരൻ :) നന്ദി.

Mon Aug 08, 09:09:00 AM IST  

Post a Comment

Subscribe to Post Comments [Atom]

<< Home