Suryagayatri സൂര്യഗായത്രി

This blog is in Malayalam language. To view, please install any Malayalam Unicode font. Eg. AnjaliOldLipi. ബ്ലോഗ് തുടങ്ങാൻ ഇതു നോക്കൂ

Wednesday, April 25, 2012

അമ്മ മലയാളമേ

അമ്മ മലയാളമേ,
കടലായി മാറുക.
ഒരു ചെറുമീനായി ഞാൻ
അതിൽ നീന്തിനടന്നീടും.

അമ്മ മലയാളമേ,
കാറ്റായി മാറുക.
ഒരു കുഞ്ഞിലയായി ഞാൻ
നിനക്കൊപ്പം പറന്നുനടന്നീടും.

അമ്മ മലയാളമേ,
മഴയായി മാറുക.
ഒരു മൺ‌തരിയായി ഞാൻ
നനഞ്ഞുകുതിരാൻ കാത്തിരുന്നീടും.

അമ്മ മലയാളമേ,
തിരയായി മാറുക.
തീരത്തെ മണൽത്തരിയായി ഞാൻ,
നീ വന്നുതൊട്ടുപോകുമെന്നു പ്രതീക്ഷിച്ചിരുന്നീടും.

അമ്മ മലയാളമേ,
മറവിയുടെ കാട്ടിനുള്ളിലും
മറഞ്ഞുപോകാത്തൊരു വെളിച്ചമായീടുക.

അമ്മ മലയാളമേ,
ഉയിരുള്ളതുവരെ
ഞാൻ നിന്റെ കൂടെ, നീയെന്റെ കൂടെ.

Labels: ,

3 Comments:

Blogger ANEESH said...

good

Thu May 03, 02:08:00 AM IST  
Blogger സു | Su said...

അനീഷ് :) നന്ദി.

Mon May 14, 09:36:00 AM IST  
Blogger Shaleer Ali said...

അമ്മ മലയാളമേ .. നീയെന്റെ കൂടെ തമസ്സില്‍ നിലാവെന്ന പോലെ.......

ലളിതം...,മനോഹരം ...
അമ്മ മലയാളത്തെ സ്നേഹിക്കുന്ന കവി ഹൃദയത്തിനെന്റെ പ്രണാമം.... ആശംസകളോടെ .. :)

Sat Jun 30, 03:45:00 PM IST  

Post a Comment

Subscribe to Post Comments [Atom]

<< Home