പറയൂ.....

പറയാന്‍ ഒന്നും ഇല്ലാത്തപ്പോള്‍,
പറയേണ്ടാത്തത്‌ പറയുന്നതിനേക്കാള്‍ ഭേദമാണല്ലോ,

പറയാനുള്ളപ്പോള്‍ പറയാനുള്ളത്‌ പറയുന്നത്‌,

എന്ന് പറയുമ്പോള്‍ത്തന്നെ,

പറയാനുള്ളതും പറയാന്‍ ഇല്ലാത്തതും,

പറയേണ്ടതും പറയേണ്ടാത്തതും,

പറയാനും പറയാതിരിക്കാനും പറയുന്നത്‌,

എന്ന് പറഞ്ഞാല്‍ പറയാനുള്ളതേത്‌,

പറയാനില്ലാത്തതേത്‌,

എന്ന് പറഞ്ഞുകൊടുക്കേണ്ടി വന്നാല്‍,

പറയാനുള്ളവരും പറയാനില്ലാത്തവരും,

പറഞ്ഞിട്ടും പറഞ്ഞില്ലെന്ന് പറയുന്നവരും,

പറയാത്തത്‌ പറഞ്ഞെന്നു പറയുന്നവരും,

പറയില്ലെങ്കില്‍ പറയേണ്ട എന്നു പറയുന്നവരും,

പറയൂ, പറയൂ എന്ന് പറയുന്നവരും,

പറയാം, പറയാം എന്ന് പറയുന്നവരും,

പറഞ്ഞോ, പറഞ്ഞോ എന്ന് ചോദിക്കുന്നവരും,

പറഞ്ഞ്‌ പറഞ്ഞ്‌ പറയിപ്പിക്കും എന്ന് പറയാം.