അതാണ് ജീവിതം

മോഹങ്ങളുടെ തിരയടിച്ചുവന്നാണ്
മനസ്സിൽ സ്വപ്നത്തിന്റെ മുത്തുകൾ
വിട്ടുപോകുന്നത്.
മുത്തുകളെടുത്ത് കോർത്തുവരുമ്പോഴേക്കും
വിധിയുടെ കാറ്റുവന്ന്
മുത്തുകൾ ചിന്നിച്ചിതറിക്കും.
സ്വപ്നങ്ങളുടെ കടലിൽനിന്ന്
എത്രയിഴഞ്ഞു കയറാൻ ശ്രമിച്ചാലും
ആഗ്രഹത്തിന്റെ തിര വന്ന്
അതേ കടലിലേക്ക് വലിച്ചിഴയ്ക്കും.
അല്ലെങ്കിലും, നിരാശയുടെ തീരത്ത്
എത്രനേരം കുത്തിയിരുന്നാലാണ്
സാഫല്യത്തിന്റെ കപ്പലൊന്ന്
കാഴ്ചയില്‍പ്പെടുന്നത്!