Suryagayatri സൂര്യഗായത്രി

This blog is in Malayalam language. To view, please install any Malayalam Unicode font. Eg. AnjaliOldLipi. ബ്ലോഗ് തുടങ്ങാൻ ഇതു നോക്കൂ

Tuesday, March 10, 2009

കട്ടൻ‌കാപ്പി

കണ്ണിൽനിന്നെടുക്കുന്ന വെള്ളം
അനുഭവത്തിന്റെ കുഞ്ഞുകുഞ്ഞു കറുപ്പുപൊടികൾ
സ്നേഹത്തിന്റെ ശർക്കരയിട്ട്
കാലത്തിന്റെ അടുപ്പിനു മുകളിൽ
എത്രയൊക്കെ തിളച്ചുയോജിപ്പിച്ചാലും
നീരസത്തിന്റെ അല്പം ചണ്ടിയുണ്ടാവും ബാക്കി
ഓർമ്മയുടെ അരിപ്പയിൽ നിന്ന്
മറവിയുടെ ഗ്ലാസ്സിലേക്ക്
വീഴാതെ നിൽക്കുന്നത്.

Labels:

11 Comments:

Blogger ആത്മ said...

നീരസത്തിന്റെ അല്പം ചണ്ടിയുണ്ടാവും ബാക്കി
എന്നു പറഞ്ഞില്ലേ, അത് പിന്നെ കളയാനല്ലെ പറ്റൂ. :)
കരുപ്പട്ടികാപ്പിയൊക്കെ ഇട്ട് കുടിച്ചുകൊണ്ട് ജലദോഷവുമായി മല്ല യുദ്ധം ചെയ്യുന്നതിനയിലാണ് സൂജിയുടെ കാപ്പി കണ്ടത്

Tue Mar 10, 09:55:00 PM IST  
Blogger വല്യമ്മായി said...

നല്ല വരികള്‍

Tue Mar 10, 09:55:00 PM IST  
Blogger മുഹമ്മദ്‌ സഗീര്‍ പണ്ടാരത്തില്‍ said...

കട്ടന്‍ കാപ്പിയെക്കാളും ചേരുന്നത് കട്ടന്‍ ചായയെന്നാ!അതില്‍ കുറച്ച് കൂടുതല്‍ ചണ്ടി കാണും!

Tue Mar 10, 10:32:00 PM IST  
Blogger മേരിക്കുട്ടി(Marykutty) said...

:))

എത്ര ശരി!
ചിലപ്പോള്‍ ചിലരെ കാണുമ്പോള്‍ ആ നീരസം മറച്ചു വച്ച് ചിരിക്കേണ്ടി വരും...ഇതും ജീവിതം.

Wed Mar 11, 08:33:00 AM IST  
Blogger Umesh::ഉമേഷ് said...

സു എഴുതിയ കട്ടൻ കാപ്പി എന്ന പോസ്റ്റ് അഗ്രിഗേറ്ററിൽ കണ്ടപ്പോൾ കറിവേപ്പിലയിലെ റെസിപ്പി ആണെന്നു കരുതി. ഛേ, കവിതയായിരുന്നു, അല്ലേ? :)

Wed Mar 11, 10:21:00 AM IST  
Blogger ശ്രീ said...

കൊള്ളാം സൂവേച്ചീ...

Wed Mar 11, 10:47:00 AM IST  
Blogger Bindhu Unny said...

ഓര്‍മ്മയുടെ അരിപ്പ ഇടയ്ക്കിടയ്ക്ക് കഴുകി വൃത്തിയാക്കണം. :-)

Wed Mar 11, 11:13:00 AM IST  
Blogger P.R said...

ഈ സൂന്റെയൊരു കാര്യം!

Thu Mar 12, 10:49:00 AM IST  
Blogger സു | Su said...

ആത്മേച്ചീ :) ഓർമ്മയുടെ അരിപ്പയുടെ അടിയിൽ കിടക്കും അത്. ജലദോഷം മാറിയോ?

വല്യമ്മായീ :) നന്ദി.

സഗീറേ :) ചായയാവുമ്പോൾ ചണ്ടി കുറേ ഉണ്ടാവുമല്ലോ. ഇതിപ്പോ കുറച്ചേ ഉള്ളൂ നീരസം.

മേരിക്കുട്ടീ :) അത്തരം അഭിനയം എനിക്കു വശമില്ല. അതുകൊണ്ട് ഉള്ളത് ഉള്ളതുപോലെ കാട്ടും.

ഉമേഷ് ജീ :) ഇത് കവിതയെന്നാരു പറഞ്ഞു? കറിവേപ്പിലയിലും സൂര്യഗായത്രിയിലും വിശേഷിച്ചൊന്നും വായിക്കാനുണ്ടാവില്ലെന്ന് ഉമേഷ്ജിയ്ക്ക് ഇനിയും മനസ്സിലായില്ലേ? ഇനി ബ്ലോഗിലേക്കൊക്കെ ക്ലിക്കുമ്പോൾ നോക്കീം കണ്ടും ക്ലിക്കൂ. സമയം പാഴാവരുതല്ലോ. ;)

ശ്രീ :)

ബിന്ദൂ :) അതുവേണ്ടിവരും.

പി. ആർ. :) എന്താദ് കഥ? കാണാനേയില്ലല്ലോ. തിരക്കിലാണോ?

Fri Mar 13, 10:30:00 AM IST  
Blogger തെന്നാലിരാമന്‍‍ said...

Nice one...

Fri Mar 13, 10:16:00 PM IST  
Blogger സു | Su said...

തെന്നാലിരാമൻ :)

Sat Mar 14, 11:16:00 AM IST  

Post a Comment

Subscribe to Post Comments [Atom]

<< Home