പനി പനി പനി

ഇടതടവില്ലാതെ മഴ പൊഴിയുമ്പോൾ,
നിറം മാറി, പുഴ നിറഞ്ഞൊഴുകുന്നു.
നിരത്തുകൾ, വീട്ടുമുറ്റങ്ങളുമെല്ലാം,
മഴ ചൊരിഞ്ഞിട്ട് പുഴപോലാകുന്നു.
മഴ വരും മുമ്പേ വന്നു ചേർന്നൊരു പനി
വിട്ടുമാറാതെ നിന്ന് ജനത്തെ വലയ്ക്കുന്നു.
ആശുപത്രികളെല്ലാം നിറഞ്ഞുകവിയുന്നു,
ബാക്കിയുള്ളവർ വീട്ടിൽ ചുരുണ്ടുകിടക്കുന്നു.
കടലാസ്സു തോണി ഒഴുക്കാതെ കൈകൾ
പനിക്ഷീണത്താലയ്യോ തളർന്നുകിടക്കുന്നു.
ഒരു നൂറുതരം പനിയുണ്ടു നാട്ടിൽ,
പനി പിടിച്ചെന്നാൽ കിടപ്പു തന്നെ ഗതി.
മഴ മാറിപ്പോയി പനി ബാക്കിയായി,
പനിയേ നീയൊന്നു വേഗം വഴിമാറിപ്പോകൂ.