പ്രേമത്തിനു കണ്ണില്ല !!!!

അവന്‍ നടന്ന് പോകുന്നു.
അവള്‍ എതിര്‍ദിശയില്‍നിന്ന് വരുന്നു.
കാമുകനും കാമുകിയും.
പരസ്പരം കണ്ണില്‍ നോക്കി, ലോകത്തോട്‌ മുഴുവന്‍ പോടാ പുല്ലേന്നുള്ള ഭാവവും ആയി.
സിനിമയാണെങ്കില്‍ ഇങ്ങനെയൊരു സംഭവം സ്ലോമോഷനില്‍ മാത്രമേ കാണിക്കൂ.
അവന്റേയും അവളുടേയും കണ്ണിലും ചുണ്ടിലും പുഞ്ചിരി മാത്രം.
അടുത്തെത്താറായി.
അവന്‍ രണ്ട്‌ കൈയും നീട്ടി കുറച്ചു വേഗത്തില്‍ തന്നെ നടന്നു.
അവളും കുറച്ച്‌ വേഗം കൂട്ടി.
താഴെക്കിടന്ന പഴത്തൊലി അവന്‍ കണ്ടില്ല.
അതു ചവുട്ടി അവന്‍ താഴെപ്പോയി. അവന്റെ കാലു തട്ടി അവളും.
ഒരു നിമിഷത്തേക്കു പ്രണയം ഔട്ട്‌ ഓഫ്‌ റെയിഞ്ച്‌ ആയി.
പ്രേമത്തിനു കണ്ണില്ല എന്ന് പറയുന്നത്‌ എന്താണെന്ന് രണ്ടാള്‍ക്കും ബോധ്യപ്പെട്ടു.