Suryagayatri സൂര്യഗായത്രി

This blog is in Malayalam language. To view, please install any Malayalam Unicode font. Eg. AnjaliOldLipi. ബ്ലോഗ് തുടങ്ങാൻ ഇതു നോക്കൂ

Tuesday, November 11, 2008

ഗുരു

അറിവിന്റെ വീഥികളിലിരുട്ടിനെയകറ്റി,
ഒരു കുഞ്ഞുനാളമായ് ജ്വലിച്ചുനിൽക്കും.
അറിയാത്ത വഴികളിൽ, കാലിടറാതെ,
കൈത്താങ്ങു തന്നെന്നും കൂടെനിൽക്കും,
ഒരുപാടു ചിന്തകളിൽ, ഉത്തരം കിട്ടാതെ,
നിഴലിന്റെ ഇരുളിൽ നാം നിന്നീടുമ്പോൾ,
അറിവിന്റെ വെട്ടം തെളിച്ചു മുന്നിൽ വന്നു
അജ്ഞതയകറ്റിത്തിരിച്ചുപോകും.
ഒരുപാടറിവിന്റെ കുഞ്ഞുനക്ഷത്രങ്ങൾ
നമ്മൾക്കുവേണ്ടി തെളിച്ചുനിർത്തും.
ഗുരുവെന്ന ദീപം മുന്നിൽ തെളിയുമ്പോൾ
കാലിടറാതെ നമുക്കു നീങ്ങാം.
ഗുരുവിനെ വന്ദിച്ചു, എന്നും സ്മരിച്ചു,
ജീവിതം അറിവിന്റെ ലോകമാക്കാം.
ദൈവത്തിൻ സാന്നിദ്ധ്യം നിറയുന്നു ഗുരുവിൽ,
ഗുരുവതു നമ്മിൽ പകർന്നീടുന്നൂ.

Labels:

9 Comments:

Blogger വരവൂരാൻ said...

അറിവിന്റെ വീഥികളിലിരുട്ടിനെയകറ്റി,
ഒരു കുഞ്ഞുനാളമായ് ജ്വലിച്ചുനിൽക്കും.
അറിയാത്ത വഴികളിൽ, കാലിടറാതെ,
കൈത്താങ്ങു തന്നെന്നും കൂടെനിൽക്കും,
മനോഹരമായ വരികൾ

Tue Nov 11, 12:26:00 pm IST  
Blogger Rejeesh Sanathanan said...

കാശ് കൊടുത്ത് ജോലിക്ക് കയറിയ അര്‍പ്പണമനോഭാവമില്ലാത്ത ഗുരു ആകരുതേ എന്നുകൂടി പ്രാര്‍ഥിക്കാം.

Tue Nov 11, 02:46:00 pm IST  
Blogger Dreamer said...

:)

Tue Nov 11, 06:45:00 pm IST  
Blogger സു | Su said...

വരവൂരാൻ :) എഴുതിയത് മനസ്സിലാക്കിയതിൽ നന്ദി.

മാറുന്ന മലയാളി :) അദ്ധ്യാപകർ മാത്രമല്ല ഗുരുക്കന്മാർ. അറിവ് നൽകുന്ന ആരും ഗുരുവാകും. കാശ് കൊടുത്തതുകൊണ്ട് അർപ്പണമനോഭാവം ഇല്ലാതെയിരിക്കും എന്നും നിർബ്ബന്ധമൊന്നുമില്ല.

ഡ്രീമർ :)

Tue Nov 11, 10:05:00 pm IST  
Blogger Rejeesh Sanathanan said...

"കാശ് കൊടുത്തതുകൊണ്ട് അർപ്പണമനോഭാവം ഇല്ലാതെയിരിക്കും എന്നും നിർബ്ബന്ധമൊന്നുമില്ല. "

ഇപ്പോള്‍ 50 ശതമാനത്തിന് മുകളിലുള്ള അത്തരം അദ്ധ്യാപകരെ മാത്രമാണ് ഉദ്ദേശിച്ചത്.അവരും ‘ഗുരു’ ശൃംഖലയില്‍ പെടുമല്ലോ..:)

Wed Nov 12, 09:13:00 am IST  
Blogger മുസാഫിര്‍ said...

മാതാ,പിതാ,ഗുരു ദൈവം.
നല്ല അര്‍ത്ഥമുള്ള വരികള്‍,സൂ

Thu Nov 13, 07:18:00 pm IST  
Blogger Sathees Makkoth | Asha Revamma said...

നല്ല വരികൾ!

Thu Nov 13, 08:12:00 pm IST  
Blogger Jayasree Lakshmy Kumar said...

ഗുരുർ ദേവോ...

നല്ല വരികൾ

Fri Nov 14, 05:59:00 am IST  
Blogger സു | Su said...

മുസാഫിർ :)

ലക്ഷ്മി :)

സതീശ് :)

Sun Nov 16, 08:40:00 pm IST  

Post a Comment

Subscribe to Post Comments [Atom]

<< Home