ലേറ്റസ്റ്റ്

“ചേച്ചീ, ഇത് അനാർക്കലി ആണ്. ഇഷ്ടം‌പോലെ വിറ്റുപോകുന്നുണ്ട്.”
“ഇതു പഴേതല്ലേ?”
“ഇത് മിന്നാമിന്നിക്കൂട്ടം ആണ്. നല്ല ഭംഗിയുള്ള ഡ്രസ്സല്ലേ?”
“ഇതൊക്കെ ഇപ്പോഴും ആൾക്കാർ വാങ്ങുന്നുണ്ടോ?”
“ഇത് ജോധാ‍ അക്ബർ ഡ്രസ്സ് ആണ്. ഇത് നന്നായിരിക്കും ചേച്ചീ.”
“ഇതൊക്കെ എപ്പോ ഇറങ്ങിയതാ. ഇപ്പോഴും ഇതാണോ വിൽക്കാൻ വെച്ചിരിക്കുന്നത്?”
“ഇപ്പോഴും ആവശ്യക്കാരുണ്ടല്ലോ.”
“ഉണ്ടായിക്കോട്ടെ. എനിക്കുവേണ്ട. ലേറ്റസ്റ്റ് ഏതെങ്കിലും ഉണ്ടെങ്കിൽ കാണിക്ക്.”
“ലേറ്റസ്റ്റ് ഡ്രസ്സ് ഉണ്ട്. ഇപ്പോക്കാണിക്കാം.”
“ഏതാ?”
“പഴശ്ശിരാജ.”
“ങേ..!”