പുഴ പറയുന്നു

ആഴത്തിലാണ്ടുപോയ് ഓമനക്കുഞ്ഞുങ്ങൾ
എല്ലാം സഹിച്ചുകൊണ്ടിനിയുമൊഴുകണം.
ജീവിതക്കടലിലായ് നീന്തിത്തുടിക്കാതെ,
പ്രാണൻ പൊലിഞ്ഞുപോയ്...
പാവമാക്കുഞ്ഞുങ്ങൾ.
പിഴയൊന്നും ചെയ്യാതെ പഴിയതു കേൾക്കണം,
ശാപങ്ങളൊരുപാട് തലയിലേറ്റീടണം,
ഭീതിയാൽ നോക്കുന്ന കണ്ണുകൾ കാണണം,
ഭാരങ്ങളെത്രയോ ഇനിയും സഹിക്കണം.
ഓർത്തോർത്തുനിൽക്കുവാൻ നേരമില്ലല്പവും
ഒഴുകിയൊടുവിൽക്കടലില്‍പ്പതിക്കണം.