കടൽ

ആഞ്ഞടിക്കുന്ന ചിന്തകളും,
ആഴത്തിലെവിടെയോ മുങ്ങിക്കിടക്കും മോഹങ്ങളും,
അനുഭവങ്ങളുടെ ഉപ്പുരസവും,
യാഥാർത്ഥ്യത്തിന്റെ പരുക്കൻ മണൽത്തരികളും,
സ്വപ്നത്തിന്റെ പവിഴപ്പുറ്റുകളും,
എത്ര ശ്രമിച്ചാലും പിടിതരാതെയോടുന്ന, ആഗ്രഹത്തിന്റെ ഞണ്ടുകളും
എന്നെയോർമ്മിപ്പിക്കുന്നു.
മനസ്സൊരു കടലാണ്.
എന്നാലും ശാന്തമായിരിക്കണം.
കടലിനെ സ്നേഹിക്കുന്നവർക്കും,
അറിയാൻ ശ്രമിക്കുന്നവർക്കും,
സുനാമിത്തിരകൾ ഒരു ശാപമാവും.