വെളിച്ചം

ദൈവം കൊളുത്തും വിളക്കാണു സൂര്യൻ,
വിളിക്കാതെയണയും സുഹൃത്താണു സൂര്യൻ,
ഭൂമിക്കു കിട്ടിയ വരമാണു സൂര്യൻ.
ഭൂമിക്കു മുഴുവൻ വെളിച്ചമേകാൻ,
ഒരു കുഞ്ഞുപൊട്ടായ് ഉദിച്ചുനിൽക്കും,
പിന്നെജ്ജ്വലിച്ചു തിളങ്ങിനിൽക്കും,
അതുകഴിഞ്ഞാലോ മറഞ്ഞുനില്ക്കും.
ഒരു നാളിൽ വന്നില്ല സൂര്യനെങ്കിൽ
ഭൂമിയിരുട്ടിൽ കിടന്നുഴറും.
എന്നുമാദീപം കൊളുത്തിവയ്ക്കും
ദൈവത്തിനെന്നും നാം നന്ദിയോതാം.
പതിവായി സൂര്യൻ വരുന്നപോലെ
ദുഃഖത്തിനിരുളിൽ നാം നിന്നിടുമ്പോൾ
ദൈവമോ സൗഖ്യത്തിൻ വെട്ടം തരും.
എന്നും ഭൂമിയിലിരുളാവില്ലതുപോലെ-
യെന്നും മനുഷ്യർക്ക് ദുഃഖമില്ല.