നവംബർ

 നവംബറും വന്നു. ഇത്ര വേഗം വന്നോന്ന് അതിനോട് ചോദിച്ചിട്ടൊന്നും കാര്യമില്ല. അതുകഴിഞ്ഞിട്ട് വേണമല്ലോ ഡിസംബറിനു വരാൻ.

എന്തായാലും പുതുവർഷതീരുമാനങ്ങൾ ആലോചിക്കാൻ സമയമായി.  അല്ലെങ്കിലും ഒന്നും തീരുമാനിച്ചിട്ട് കാര്യമില്ല,  നമ്മൾ വിചാരിക്കുന്നതുപോലെ നടക്കണമെന്നില്ല എന്ന് വിചാരിക്കുന്നതാവും നല്ലത്. തീരുമാനം എടുക്കണോ വേണ്ടയോ എന്നൊക്കെ തീരുമാനിച്ചിട്ട് ഇനി കാണാം. 

ഒക്ടോബർ

 അങ്ങനെ ഒക്ടോബറും പകുതിയായി. എത്ര വേഗമാണ് ദിവസങ്ങൾ  പോകുന്നത് എന്നൊന്നും പറയാൻ ഞാനില്ല. എന്നാലും... 

സിനിമകളൊക്കെ പതിവുപോലെ ഉഷാറായി കാണുന്നുണ്ട്. വായനയും അതുപോലെ തരക്കേടില്ലാതെ നടക്കുന്നുണ്ട്. ഇതൊക്കെയല്ലാതെ എന്ത്! തുലാവർഷം തുടങ്ങീന്ന് തോന്നുന്നു. 

കൂട്ടുകാർക്കെല്ലാം സുഖമെന്നു കരുതുന്നു.

ഓണം

 ഓണം ആഘോഷിച്ചില്ല. ഓണം ആഘോഷിക്കാതിരിക്കാൻ നിരവധി കാരണങ്ങളുണ്ടായിരുന്നു. പിന്നെ ഒരു കാര്യമുള്ളത് മഴ ഇനിയും തീർന്നില്ല എന്നതാണു്. തുലാവർഷം വരാനുമുണ്ട്. കൊറോണ നാടുവിട്ടില്ല എന്ന് എനിക്കെന്തായാലും അറിയാം. പക്ഷേ, കേരളത്തെ ഇപ്പോ അലട്ടുന്ന പ്രധാനപ്രശ്നം തെരുവുനായ്ക്കളാണ്. എന്തായാലും പതിവുപോലെ വേറൊന്നും പറയാനില്ലെന്ന് പറഞ്ഞ് ഞാൻ സ്ഥലം വിടുന്നു.  

ഭക്തി

 ഇന്നല്ലോ തപസ്സിനും സാഫല്യമുണ്ടായ് വന്നു

ഇന്നല്ലോ സഫലമായ് വന്നിതുമന്നേത്രവും 

സീതയാസാർദ്ധം  ഹൃദി വസിക്ക  സദാഭവാൻ 

സീതാവല്ലഭ! ജഗന്നായക! ദാശരഥേ!

അദ്ധ്യാത്മ രാമായണത്തില്‍ നിന്ന്, ഈ കര്‍ക്കിടകമാസത്തില്‍.

ജൂലൈ

 നല്ല മഴക്കാലം.  ഇന്നാണ് രാമായണം വായന തുടങ്ങുന്നത്. സിനിമകൾ വീട്ടിലിരുന്ന് കാണുന്നതേയുള്ളൂ. കുറച്ച് തിരക്കാണ്. ഒരു യാത്ര കഴിഞ്ഞ് വന്നു. മഴ കണ്ടു. എല്ലാർക്കും സുഖമാണെങ്കിലേ നമുക്കും സുഖമുണ്ടാവൂ എന്നൊക്കെയുള്ളത് കൂടുതൽ മനസ്സിലായിത്തുടങ്ങി. വയസ്സായീന്നർത്ഥം ;)