നീയറിയാൻ

ഇന്നലെയും ഒരു മഞ്ഞയില
മരത്തിൽനിന്ന് മണ്ണിലേക്കുപോയി.
നീയറിയണം,
ഇന്നലെ വീണ്ടും ഞാനൊന്ന് കണ്ണാടിനോക്കി.

നേരം പുലർന്നു

കുഞ്ഞു കുസൃതി കൊച്ചുണ്ണി,
ഉണർന്നു വെറുതെയിരിപ്പായി.
മടിച്ചിരുന്നാൽ അടികിട്ടും,
അമ്മ പറഞ്ഞൂ ദേഷ്യത്തിൽ.
പല്ലു തേച്ചു കുളിച്ചുവരൂ,
പ്രാതൽ കഴിച്ചു നടന്നോളൂ.
സ്ലേറ്റും പെൻസിലും പുസ്തകവും,
ചേട്ടൻ കൊണ്ടുത്തന്നീടും.
മടികാട്ടാതെ പോയിട്ട്,
മിടുക്കനായി പഠിച്ചീടൂ.