നീ

മൗനമേ നീയൊരു തിരയായിരുന്നെങ്കിൽ,
നിന്നെത്തൊടാതെ ഞാൻ ദൂരത്തുനിന്നേനെ.
മൗനമേ നീയൊരു മഴയായിരുന്നെങ്കിൽ,
ഒരു കുടക്കീഴിൽക്കയറി ഞാൻ നിന്നേനെ.
മൗനമേ നീയൊരു പാട്ടായിരുന്നെങ്കിൽ,
കാതുകൾ കൊട്ടിയടച്ചു ഞാൻ നിന്നേനെ.
മൗനമെ നീയൊരു കാഴ്ചയാണെങ്കിലോ,
കണ്ണുകൾ തുറക്കാതെ നേരം കളഞ്ഞേനെ.
മൗനമേ നീയൊരു പുഷ്പമാണെങ്കിലോ,
സുഗന്ധം നുകരാതെ ഓടിയകന്നേനെ.
മൗനമേ നീയെന്റെ ഉള്ളിലുണർന്നെന്നും,
വാക്കുകൾ മോഷ്ടിച്ചൊളിപ്പിച്ചുവയ്ക്കുന്നു,
നിശ്ചലം നില്ക്കുന്ന മനസ്സിന്റെയുള്ളിലായ്
അലറിച്ചിരിച്ചെന്റെ മിഴികൾ നിറയ്ക്കുന്നു.