അഭിമന്യു.

അമ്മയായിന്നെന്റെ കൂട്ടുകാരി,
അഛനായിന്നെന്റെ കൂട്ടുകാരന്‍,
ഈ ഭൂമിയിലേക്കു വന്നുപിറന്നൊരാ,
പൊന്‍മണിമുത്തിനെ ഞാന്‍ എന്നു കാണും?
ഇന്നു എന്റെ ജീവിതത്തിലെ സന്തോഷം നിറഞ്ഞ ഒരു ദിവസം ആണ്. അഭിമന്യു എന്നു ഞാന്‍ വിളിക്കാന്‍ തീരുമാനിച്ചിരിക്കുന്ന ആ കുഞ്ഞുവാവ സന്തോഷങ്ങളും ദു:ഖങ്ങളും ആശകളും നിരാശകളും നിറഞ്ഞ ഈ ഭൂമിയിലേക്കു അല്‍പം മുന്‍പാണു വന്നത്. "നീയെന്നുവരുമെന്നോര്‍ത്തുകൊണ്ടു ദൂരെ ദൂരെയൊരമ്മ" എന്ന പാട്ടിനൊരവസാനമായി അവന്‍ വന്നു. എന്റെ അഭിമന്യു. എന്റെ മാത്രം! അല്ല അവനെ സ്നേഹിക്കാന്‍ മാത്രം മനസ്സുള്ള എല്ലാവരുടേയും !!!